[.."الحَـبيبِ إللـي ذلـوله عيـني وقلَـبي زهآإبـه "..] :)

السلام عليكم ورحمة الله وبركـآته :




قصيده أدهشتني .,وطرحتها لكم ..,





,
,












لانحنى قوس الربابه حن يا صدر الربابه

.. انت سيد موقف المغلوب لاشاف الغليبه



,




هات صوتك من صرير الريح وعواي الذيابه


.. ماوراك الاّ صداك يودي الصوت ويجيبه



,




الحبيب اللي ذلوله عيني وقلبي زهابه


.. طاح من ظهر الذلول ولاجبر خاطر حبيبه



,




واستوى لليل ميقافي ولبسني ثيابه


.. و استوى للرجم مشرافي وجر عواه ذيبه



,




حسبي الله ربي وربه على قوة مصابه


.. ماحسب للعاقبه من غيبته ربي حسيبه



,




ياوجودي كل ما اذكر وقفتي قدام بابه


.. وجد من وقف على ذكرى شبابه في مشيبه



,




وياوجودي كل ما اذكر كلمةٍ جت من عذابه


.. وجد من مسّي بخير وصبّح طـــآري بمصيبه



,




كنت اشوفه شاغل احساسي وماليني صبابه


.. كنت اشوفه في عيوني ثامن السبع العجيبه



,




ماطلبت الاّ رضاه ولا رضيت الاّ عتابه


.. مارويت الاّ ضماه ولا ضميت الاّ لهيبه



,




قال: ودي بالسحابه بس يابعد السحابه


.. قلت: ما تكفي عيوني غيث وظلال وقريبه



,




قال: ودي بالربيع اللي تعشب في ترابه


.. قلت: الارض اللي تخيل اقدامك تعود عشيبه



,




قال: انا اسمع عن لبن عصفور واحتاج لشرابه


.. قلت:لو هي صدق جبت الك ( اللبن يردف حليبه )



,




قال:ياطيب القصيد اللي سعد جدلان جابه


.. قلت له: حرك هجوس كلاش وانت تشوف طيبه



,




حطني بين احتمال اعيش في ذمة عذابه


.. واحتمال احط عمري عند بابه والمصيبه



,




كل هذا صار لي مثل السؤال بلا اجابه


.. الله اعلم وش نصيبي والله اعلم وش نصيبه



.
.أتمنى ان تعجبكم ..!


دمتم بــــ/فرح ..!












..




أتمنى ان تعجبكم ..!


دمتم بــــ/فرح ..!

[center]