[..تعبت ادور فــ/القلوب البارده" ليلة دفى" ..]

ماعاد يرضيني وفى ولا يزعلني جفى
متساوي في خاطري ظلم العرب وانصافها




ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها




من اول لــ/خفيت لي علم عن الناس اختفى
واليوم هذي حالتي مابه حد ما شافها




قعدت احسب وش ربحت ووش خسرت ووش صفى
ياحي روس اموالنا قبل الطمع بــ/اضعافها




تعبت ادور فــ/القلوب البارده ليلة دفى
والقى استغلال النفوس وكذبها واجحافها




حتى اقرب العالم لو يوقف معك وقفت وفى
اصبر وتدري وش دوافع وقفته واهدافها




.,‘



عاد انت يالوجه الجديد اللي تبي وصل وصفى
حبال وصلك شوف لك ناس تمس اطرافها


.,‘


انا على موعد مع واحد وكانه مالفى
ما عاد ابي عيش من السنين سمانها وعجافها




لاني عقب مارمش عيني صاحب النوم وغفى
حلفت ما رده على اشيا من عرفها عافها




العشق و امراض المحبه و استحالات الشفى
واغلب علاقاتي مع العالم اشوف انكافها




وذالحين عن اذنك وسامحني اذا لساني هفا
نفسيتي ماعادني بــ/قدر على لطافها




والموعد اللي كنت قبل شوي جالس له عفى
ما جا ودقايق موعده راحت وقدني خلافها



.,‘


[center]

يسلموو على مرررورج يالغلا ,..

تحــيــإأآتـــي لــج ..